Reinli stavkyrkje er ei soknekyrkje, men blir berre brukt om sumaren. Elles bruker ein det nye kapellet nedanfor bygdevegen. Kyrkja er truleg riven heilt ned og bygd opp att. Truleg er dette den tredje kyrkja på staden. Det kan sjå ut til at kyrkje nr. 2 brann og resten vart rive, for nokre av materialane må vera brukt om att, sidan dei er datert dendrokronologisk (ved årringsteljing) til 1272 og 1310. Takstolen i Reinli stavkyrkje er dendrokronologisk datert til om lag 1326, og ei reknar med at dette er rett datering av noverande kyrkje.