Friluftliv

Treng du eit nytt turmål for søndagsturen? Eller drøymer du om ein tur med overnatting?

• Kommuna og dei lokale idrettslaga har ein eigen turkarusell med totalt 27 turmål og trekning av premie til dei som går over 10 turar.
• På UT.no ligge det detaljerte beskrivelser over dei mest populære turmåla i Sør-Aurdal
• Hos iValdres.no ligg mange av turguidane til Jørn Damslora.

I Sør-Aurdal er jakt og fiske ein stor del av livet til mange heiltid- og deltidsinnbyggere,  Det er fleire skyttarlag og jakt- og fiskeforeninger i kommunen, og særleg i elgjakta står lokalsamfunnet nærmast på vent.

Vil du koma i gang med jakt foreslår vi at du tek kontakt med nokon av desse forbunda:

• Bagn og Reinli Jeger og Fiskeforbund
• Hedalen  Jakt og Fiskeforbund
• Hedalen og Begnadalen JSK

Begna elv har vore ei ettertrakta fiskeelv i lang tid, spesielt for fiske av aure. Sør for Eidsdammen er det også mulig å fiske gjedde, som einaste stad i Valdres.

Ellers er det godt aurefie i fleire vassdrag og innsjøar i området. I tillegg er røya å finne i fjella, noko som gjer området ideelt også for isfiske.

Reglane for fiske kan væra noko komplisert då dei skil  geografisk, kven som skal fiske og når. Fiskekort blir solgt i fleire butikkar der dei har god kjennskap til gjeldande regler.

I tillegg til 3 lysløyper har Sør-Aurdal nesten 40 mil med skiløyper som idrettslag og løypelag sørger for heile vinteren. Det betyr at du gå  distansen Oslo-Bergen på ski innanfor kommunegrensa.

Hugs at det ikkje snør skiløyper, så støtt idretts- eller løypelaget som køyrer løypene du brukar.

Sjå skisporet.no for oversikt over skiløypene.

Stavadalen Skisenter ligg nord i kommuna og har eit fantastisk anlegg i solrike omgivelsar. Bakkan har 9 nedfartar, 3 heisar og eigen park med tubebane.

Dei har i tillegg to kafèar, skiutleie og sal av sikkerheitsutstyr.

Les meir om Stavadalen Skisenter her.